Сончево и топло со мала до умерена облачност. Ќе дува слаб до умерен, а наместа повремено засилен северен ветер. Попладне претежно во јужните делови ќе има услови за локална појава на пороен дожд, грмежи и засилен ветер.
Во Скопје, сончево и топло со мала до умерена облачност. Ќе дува слаб до умерен северен ветер.
Утринските температури ќе се движат од 7 до 14 степени, додека дневните ќе достигнат од 20 до 30 степени.
Најсвежо ќе биде во западните и повисоките места, каде максималните температури ќе бидат околу 20 до 24 степени, додека најтопло ќе биде во југоисточниот дел од земјата, каде температурата ќе се искачи до 30 степени.
