Иранските ракети насочени кон Израел се опремени со антивоени изјави од шпанскиот премиер Педро Санчез, според сликите што циркулираат во иранските медиуми.
Налепниците, напишани на англиски и персиски јазик, содржат цитат што му се припишува на Санчез: „Секако, оваа војна не е само нелегална, туку и нехумана“.
„Ви благодарам, премиере“, се додава на налепниците.
Практиката на пишување пораки на муниција не е нова во овој конфликт. Порано овој месец, иранската државна телевизија емитуваше снимки од војници кои пишуваат пораки на ракети ветувајќи дека ќе продолжат со нападите сè додека последниот американски војник не го напушти Блискиот Исток./Извор:Makfax
