Вечерва на Меѓународниот аеродром Скопје пристигнаа 151 патник, како дел од групата македонски државјани кои престојуваа во Обединетите Арапски Емирати и кои успешно и безбедно беа евакуирани и вратени во државата, соопшти Тимчо Муцунски, министер за надворешни работи.
Процесот на евакуација беше целосно координиран и спроведен од Министерството за надворешни работи и надворешна трговија, во соработка со надлежните институции. Ова уште еднаш ја потврдува подготвеноста и институционалниот капацитет на државата да реагира брзо, координирано и одговорно во кризни ситуации.
Во следните денови се очекува да биде финализирана и евакуацијата на останатите македонски државјани од погодените подрачја на Блискиот Исток, напиша Муцунски на фејсбук.
