Министерот за економија, Бесар Дурмиши во врска со инфлацијата соопшти дека во декември цените на храната и пијалоците се намалиле.
„Сега засега не гледаме причина за превземање на некакви мерки, ограничување на бруто профитна маржа или ограничување на цени. Секојдневно ја следиме ситуацијта, во комуникација сме со претставниците на ДПИ, ако има потреба, како што сме реагирале во минатото, така ќе реагираме и оваа година. Но, во месец декември, уште еднаш да потенцирам, во делот на храна и пијалоци, инфлацијата, односно цените се намалени за 0,4 проценти и убеден сум, верувам дека овој тренд оваа година ќе продолжи“, вели Бесар Дурмиши.
