Во текот на новогодишната ноќ на подрачје на Секторот за внатрешни работи Струмица, односно на подрачјата на општините Струмица, Босилово, Ново Село и Василево, полициски службеници од СВР Струмица преземаа засилени мерки и активности со цел одржување на јавниот ред и мир и заштита на безбедноста на граѓаните.
СВР Струмица информира дека за време на новогодишната ноќ не се пријавени кривични дела против животот и имотот на граѓаните, нарушувања на јавниот ред и мир, ниту сообраќајни несреќи со потешко повредени и загинати лица.
СВР Струмица и во иднина ќе продолжи со континуирано преземање на мерки за заштита на безбедноста на граѓаните и одржување на стабилна безбедносна состојба.
