Најавен протест, овој сообраќаен правец ќе биде целосно блокиран за сообраќај – Каква е состојбата на патиштата?

На ден 19.12.2025 година, со почеток во 10:00 часот, од страна на месното население на с. Двориште е најавен јавен собир на регионалниот пат П-1302 (Берово – Струмица), на локација позната како „Студенецо“. За време на собирот, сообраќајот на овој патен правец ќе биде целосно блокиран, поради што се известуваат возачите кои сообраќаат на релација Струмица – Берово да користат алтернативни патни правци, извести АМСМ.

Сообраќајот на државните патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.