Македонија ќе има најстроги казни во Европа и пошироко и не само поради нивната висина која во некои случаи надминува и минимална плата, туку и во однос на одземање на возачки дозволи и трајно одземање на возила.
Со новите законски измени кои веќе влегоа во Собрание, возачите кои ќе добијат три правосудни пресуди за одземање за возачка дозвола ќе останат без право за возачка, а право за ново преполагање ќе стекнат дури по 1 година.
Новите строги законски измени предвидуваат и за граѓаните кои немаат ажурирано телефонски број во МВР, со што експертите го отвораат прашањето за Уставноста на овој дел од законот со оглед дека се налага дека секој граѓанин кој има возило мора да има телефонски апарат, телефонски број и тоа мобилен телефонски број чие користење претплатите кај одредени македонски оператори вртоглаво пораснаа во последните месеци.
Друг новитет ќе биде одземањето на возила за безобзирните возачи. Тоа се возачи кои возат повеќе од 70 во населено место или 90 километри на час на регионални и авто-патишта.
Одземањето на возилата ќе го врши судот.
ЗА ВОЗЕЊЕ ПРОТИВ ЗАКОНОТ ЌЕ СЕ ОДИ ВО ЗАТВОР
За возење под дејство на алкохол со над 1,5 промили ќе се оди во затвор од 3 месеци до 3 години. Слични ќе бидат санкциите и за спротивно возење во еднонасочен пат, претекнување на непрегледно место, значително побрзо возење и тн.
ПОПУЛАРНО НА ИНТЕРНЕТ...
