На 11 декември 2025 година во 14:45 часот во СВР Скопје е пријавено дека на кружен тек меѓу улиците Борис Сарафов, Лука Геров, Македонски војски и булевар Партизански Одреди во Скопје, патничко возило „мерцедес“ удрило во пешак на возраст од 34 години, по што возачот со возилото го напуштил местото на настанот.
Во сообраќајната несреќа со телесни повреди се здобил пешакот, кои се констатирани во Градската општа болница Свети Наум Охридски.
Извршен бил увид од увидна екипа од СВР Скопје и се преземаат мерки за целосно расчистување на случајот.
