„Дали СДСМ е тој што лаже за мигрантите, дали сие британски медиуми и целата светска јавност лажат?“, праша претседателот на СДСМ Венко Филипче на денешната прес-конференција посветена на информациите кои доаѓаат од британските и светските медиуми дека постои договор за прифаќање мигранти за пари од Велика Британија.
„ После сите пишувања на светските медиуми, прашањето е за јавноста дали СДСМ е тој што лаже, бидејќи ВМРО-ДПМНЕ сега тоа ќе го објаснува, дека сите британски медиуми лажат, дека целокупната светска јавност лаже. Еве, го повикувам ВМРО-ДПМНЕ, нека излезат и нека кажат. Нека кажат дека сите лажат, односно дали цел свет лаже, само ВМРО ДПМНЕ не лаже. “, рече Филипче.
