Претседателот на СДСМ, Венко Филипче, побара од ВМРО ДПМНЕ да ја потпише резолуцијата за спречување на приемот на мигранти, што ќе биде доволна потврда, наместо празни зборови кои ги пласираат во јавноста.
„После сите пишувања на светските медиуми, прашањето за јавноста е дали СДСМ е тој што лаже, бидејќи ВМРО ДПМНЕ сега тоа ќе го објаснува, како сите британски медиуми лажат и целокупната светска јавност лаже. Еве, го повикувам ВМРО ДПМНЕ, нека излезат и нека кажат. Нека кажат дека сите лажат, односно дали цел свет лаже, само ВМРО ДПМНЕ не лаже“, рече Филипче.
Тој ги повика пратениците на ВМРО ДПМНЕ да ја прифатат и потпишат резолуцијата.
„Така ќе избегнеме ‘мислевме, рековме, кој лаже, кој не лаже’. И тоа ќе биде доволно, не да им веруваме на празни зборови, толку да има потписи. Доколку пак ВМРО ДПМНЕ не излезе и не ја прифати оваа резолуција, ќе бидеме приморани понатаму да се бориме со сите демократски средства, а еден од нив е да ги повикаме сите граѓани на еден голем народен протест и заедно, обединети, да го блокираме процесот на носење мигранти во Македонија“, истакна претседателот на СДСМ, Венко Филипче, на денешната прес конференција.
ПОПУЛАРНО НА ИНТЕРНЕТ...
