На 08.12.2025 година во СВР Скопје е пријавено дека на улицата „Ферид Бајрам“ во Скопје се случила сообраќајна несреќа во која учествувале три патнички возила.
Во несреќата учествувале патничко возило марка „шкода“ со скопски регистарски ознаки, управувано од 32-годишен жител на Скопје, патничко возило марка „ауди“ со кичевски регистарски ознаки, управувано од 36-годишен жител на селото Жубрино, кичевско, како и патничко возило марка „цитроен“ со скопски регистарски ознаки, управувано од 56-годишен жител на Скопје.
Во сообраќајната несреќа, 61-годишен сопатник од возилото „цитроен“ се здобил со тешки телесни повреди, додека со телесни повреди се здобиле возачот на возилото „ауди“ и сопатничка од истото возило, на возраст од 32 години, од кичевско.
Повредените биле медицински згрижени во Комплексот клиники „Мајка Тереза“ во Скопје и во Општата болница Кичево.
Увид на местото на настанот извршила увидна екипа од СВР Скопје.
