На 06 декември 2025 година во 17:00 часот во Одделението за внатрешни работи Кочани, 62-годишна жена пријавила дека била измамена од две женски лица.
Според пријавата, во дворот од нејзината семејна куќа во едно село во кочанско, дошле две непознати жени кои ѝ кажале дека ѝ е направена магија. Тие ѝ понудиле „помош“, при што ѝ побарале пари и накит.
Откако оштетената им дала парични средства и личен накит, двете лица го напуштиле местото. Полицијата презема мерки за расчистување на случајот и идентификација на сторителките.
