На денешната владина седница беше усвоен ревидираниот Акционен план на Стратегијата за транспарентност (2023-2026), во делот кој се однесува на роковите и институциите одговорни за спроведување на активностите.
Работната група, составена од претставници на различни институции, која беше одговорна и за ревидија на Акциониот план на Стратегијата за транспарентност (2023-2026), од септември интензивно работеше на ажурирање на актуелниот план, со цел институциите да обезбедат уште по транспарентен пристап кон граѓаните.
Заменик-претседателот задолжен за политики на добро владеење, г-дин Арбен Фетаи, изјави дека „Транспарентноста е и останува приоритет на оваа Влада. Со оваа одлука обезбедуваме Стратегијата за транспарентност да се спроведува со забрзан ритам и со целосна одговорност.“
Важно е да се истакне дека во финална фаза е и формирањето на новата Работна група за изработка на Стратегијата за транспарентност 2027-2029.
ФОТО: Кабинет на заменик на претседателот на Владата на Република Северна Македонија задолжен за политики на добро владеење
ПОПУЛАРНО НА ИНТЕРНЕТ...
