На 06.11.2025 година во 13:30 часот во ОВР Гостивар, 64-годишник од Гостивар, пријави дека истиот ден околу 11:30 часот на ул. ,,Мајор Чеде Филиповски“ пред угостителски објект бил измамен од две лица, кои му рекле дека се од Дубаи и побарале од него да видат како изгледаат локалните пари, а при тоа му дале наводно златна нараквица.
Оштетениот им дал 150 евра и 3100 денари во разни апоени, по што лицата рекле дека ќе одат да му донесат два мобилни телефони, но не се вратиле.
Оштетениот подоцна утврдил дека нараквицата е бижутерија. Се преземаат мерки за расчистување и документирање на случајот.
