Членовите на Комисијата за еднакви можности на жените и мажите присуствуваа на одбележувањето на „25-годишнината од усвојувањето на Резолуцијата на Советот за безбедност на Обидинетите нации 1325 за Жени,мир и безбедност“.
Резолуцијата 1325, е усвоена од Советот за безбедност на Обединетите нации на 31 октомври 2000 година,и претставува историски документ кој за првпат ја признава важната улога на жените во спречувањето и решавањето на конфликти, во мировните процеси и во обновата на општествата по конфликтите.
Настанот е во организација на Министерството за одбрана и Канцеларијата на UN Women.
Поздравни обраќања имаа претседателката на Република Северна Македонија, Гордана Сиљановска–Давкова која истакна дека со усвојувањето на Резолуцијата се утврдени два темелни принципи и тоа; заштита на жените и девојчињата од насилство и нивно рамноправно учество со мажите во борбата за мир и безбедност.
Жените се најчести жртви на конфликтите. Со усвојување на Резолуцијата се промени перципцијата кон жените. Околу седумстотини милиони жени и девојчиња живеат во радиус од педесет километри од зоните на конфликтите, што е највисока бројка во последните три децении.
Министерот Мисајловски ги информираше присутните за напредокот на Министерството за одбрана и Армијата при интегрирањето на родовите аспекти во законите, подзаконските акти и стратешките документи.
Зголемен е бројот на офицерки, жени кои се на раководни позиции,а се работи и на зголемување на бројот на жените на командни позиции.
Министерството ќе продолжи да се залага за подигнување на свеста за еднакви можности и унапредување на позициите на жените како во Министерството, така и во Армијата.
На настанот се обратија и амбасадорот на Европската Унија, Михалис Рокас и раководителката на канцеларијата на UN Women, Весна Ивановиќ – Кастаред.
ПОПУЛАРНО НА ИНТЕРНЕТ...
