Денес се спроведува гласањето на болните или немоќни лица, лицата кои се на издржување на казна затвор или се во притвор и лицата кои се пријавиле за гласање а се сместени во установите за вонсемејна грижа, објави ДИК.
Од вкупно 8.856 болни или немоќни лица кои можат да го остварат своето право на глас на овие локални избори, до 20:30 часот своето право на глас го оствариле вкупно 7935 гласачи.
Од вкупно 2162 лица кои се на издржување казна затвор или притвор, од нив своето право на глас до 18:30 часот го оствариле 1400 гласачи
Во установите за вонсемејна грижа, до 18:30 од 442 лица сместени во овие установи гласале 297 гласачи.
Гласањето за сите овие категории на гласачи се одвиваше непречено и без никакви проблеми и недоследности.
– ДИК известува дека резултатите од гласањето на болните и немоќните лица, затворите и домовите за стари лица, не се објавуваат денес посебно. Секое поединечно гласачко ливче е ставено во посебен затворен плик и во гласачките кутии и тие не се отвараат денес.
Броењето на овие гласови и објавувањето на резултатите од денешното гласање се врши заедно со резултатите од целокупното гласање на изборите утре после 19Ч00 часот, за секое избирачко место и секоја општина, соопшти ДИК.
