Заменик претседателката на СДСМ, Фани Каранфиловска Пановска, заедно со кандидатот за градоначалник на општина Неготино Петар Мантев, денеска оствари средба со претставници на НВО „Порака – Неготино“, здружение на родители на деца со ментален хендикеп, како и со Центарот за лица со попреченост.
На средбите во Неготино беше истакната јасната определба на СДСМ за инклузивност и еднакви можности за сите граѓани која што е внесена и во програмата на нашиот кандидат за градоначалник, Петар Мантев.
-Во програмата посебно место е посветено на подобрување на условите за лицата со посебни потреби и нивните семејства. Секаде, во сите образовни установи, мораме да обезбедиме непречен пристап и образовна асистенција за учениците со посебни потреби, кои ќе работат професионално, истакна Каранфилова Пановска.
Кандидатот за градоначалник од СДСМ и Коалицијата, Петар Мантев додаде дека во прорамата се предвидува и бесплатен јавен општински превоз за целни групи, како дополнителна мерка за подобрување на квалитетот на животот на сите граѓани.
Нашата заедничка борба, борбата за нашиот дом е инклузивна и ги вклучува сите, порача заменик претседателката на СДСМ, Фани Каранфиловска Пановска.
ПОПУЛАРНО НА ИНТЕРНЕТ...
