Дополнителни 3 денари за откуп на грозјето е спас за лозарите, вели во видео порака лозарот Душко Милев, што ја упатува до пратениците. Тој ги повикува сите политички партии за поддршка на предлогот на пратеникот Венко Филипче, претседател на СДСМ, за дополнителни 3 денари на цената за откупа на грозјето од годинешната реколта.
„Јас сум цел живот лозар и знам што значи маката со откупот на грозјето како што имаме оваа година. Законот предложен од господинот Венко Филипче во Собрание за 3 денара по килограм, поддршка од државата и укинување на 8% за исплата во готово, се спас за нас и спас за оваа реколта. Ние лозарите не бараме много, бараме малко за да се заработиме честно корката леб“, порачува Милев.
Затоа, истакнува тој, „ги повикувам сите партеници од сите политички партии за поддршка на оваа решение. Да нема делби и еднаш сите заедно да направат нешто за лозарите“.
Извор: Рацин.мк
