Во „Паркот на Франкофонија“, вечерва ќе се одржи бесплатен концерт на еден од најпопуларните македонски млади изведувачи Јанг Дади. Програмата започнува во 19 часот со настапот на малите херои Стела и Сани, а од 20 часот, сцената му припаѓа на познатиот изведувач Јанг Дади.
Градоначалникот Горан Герасимовски ги поканува сите скопјани заедно со нивните најблиски, пријатели да дојдат и да уживаат во добра македонска музика.
„Ве поканувам на една незаборавна вечер исполнета со одлична музика, насмевки и позитивна енергија. Паркот на Франкофонијата вечерва ќе биде центарот на дружењето и летното уживање. Сакаме да подариме моменти за паметење на нашите сограѓани и затоа ви подготвивме програма која носи младешка енергија и урбан звук. Ве чекам вечер, во 19 часот“, изјави градоначалникот Герасимовски.
Настанот е дел од проектот „На одмор сум, во Центар сум“ кој продолжува да го претвора летото во Центар во вистинско место на спорт и рекреација, за забава и култура.
„На одмор сум, во Центар сум“ е во организација на Паблишер и Општина Центар.
