Три лица загинаа денес, а две се тешко повредени во судир помеѓу камион и два автомобила на автопатот помеѓу градовите Комотини и Ксанти, во регионот Егнација, објавија грчките медиуми.
По судирот, кој се случил од засега непознати причини, возилата се запалиле, објави Катимерини.
Возачот на камионот исто така е хоспитализиран и се здобил со тешки повреди.
Патниците од другиот автомобил се полесно повредени и се однесени во болница.
22 пожарникари со 9 противпожарни возила интервенирале на местото на настанот, објави весникот.
Полицијата го блокирала автопатот Егнација за сите возила поради несреќата.
