10. август 2025
Centar.mk – Вести, бизнис, забава, спорт…
фотографијата е илустративна / Pixabay
МАКЕДОНИЈА

Две бебиња повредени кај Скопје, откако пијан возач преминал на другата страна од коловозот и удрил во возило

Против 57-годишен жител на селото Трубарево Основното јавно обвинителство Скопје поведе постапка за кривично дело – Загрозување на безбедноста во сообраќајот од член 297 став 1 од Кривичниот законик.

На 8 август, по локалниот пат што ги поврзува селата Петровец и Долно Коњари, осомничениот управувал автомобил „Мерцедес“ со измината важност на сообраќајната дозвола. Бил под дејство на алкохол и брзината на движење на возилото не ја приспособил спрема својствата и состојбата на патот, густината на сообраќајот и другите сообраќајни услови.

Во таква ситуација изгубил контрола над управувачот, отишол во лево и преминал на дел од коловозот наменет за движење на возилата од спротивната насока, па со предниот лев страничен дел од возилото удрил во автомобил „Шкода“.

Од незгодата со полесни повреди се здобиле возачот и четворица сопатници од возилото “Шкода”, меѓу кои две 8-месечни бебиња. По укажаната лекарска помош сите се пуштени на домашно лекување.

Јавниот обвинител до судијата на претходна постапка достави предлог за определување мерки на претпазливост за осомничениот – забрана за напуштање на живеалиштето односно престојувалиштето, обврска да се јавува повремено на определено службено лице во судот и привремено одземање на возачката дозвола од Б-категорија, односно забрана за нејзино издавање.

Можеби ќе ве интересира

“ПАДНА” НАЧАЛНИКОТ КОЈ САКАШЕ НА НОСИЛКИ ДА НОСИ БОЛНА ЖЕНА ВО ПОЛИЦИСКА СТАНИЦА – Внатрешна контрола откри непрофесионалност, ќе биде разрешен

ДЕСК

Николовски: Политиките на ДПМНЕ го клекнаа земјоделството на колена, СДСМ обезбедуваше реална поддршка за земјоделците

ДЕСК

Трагедија: Пронајден починат 45. годишен скопјанец во куќа во гевгелиско

ДЕСК