Русија и Соединетите Американски Држави започнаа подготовка за претстојна средба помеѓу претседателите Владимир Путин и Доналд Трамп, која треба да се одржи во наредните денови, потврди Јуриј Ушаков, советник во Кремљ.
Според Ушаков, иницијативата дошла од американската страна, по што започнале дипломатски координации со Вашингтон за организација на состанокот на највисоко ниво.
„Во принцип, постои договор меѓу двете страни за одржување на билатерална средба помеѓу претседателите Путин и Трамп“, изјави тој.
Последната нивна директна средба се одржа во Хелсинки, во 2018 година, кога двајцата лидери разговараа во формат „еден на еден“, без присуство на пошироки делегации.
Како вовед во оваа нова дипломатска етапа, вчера специјалниот пратеник на Доналд Трамп, Стив Виткоф, имаше официјална средба со рускиот претседател Владимир Путин во Кремљ.
