Реакција на СДСМ
Кого лаже Пецаков? Вистината не може да се сокрие, четири години како локална власт ВМРО ДПМНЕ и Пецаков не направија ништо за заштита на Охрид, туку напротив.
Во време на СДСМ беше донесен Планот за управување, Стратегијата за рехабилитација, а Комисијата за управување со светското наследство, која постоеше само на хартија од 2012, започна со работа дури во 2018 и шест години функционираше ефикасно. Тоа беше препознаено и пофалено во секој извештај на УНЕСКО.
А што направи Пецаков?
Катна гаража во заштитена зона, платформи што беа отстранети – вратени и доградени. Тоа директно го констатира реактивната мисија на УНЕСКО од 2024 година. Наместо заштита – легализација на уништувањето.
Полн мандат имаа – не ги спроведоа ни основните препораки од мисиите на УНЕСКО во 2020 и 2024 година. Имаа цела година да покажат напредок и да испратат извештај до Комитетот. Не го направија ни тоа.
А за да покажеш напредок – треба да сработиш. А не да се сликаш и лажење да продаваш.
Граѓаните на Охрид и државата заслужуваат одговорна власт, не политиканство и неработење кое носи ризик да го изгубиме статусот на светско наследство.
НАЈЧИТАНО НА ИНТЕРНЕТ...
