Поворката од роднини, пријатели, граѓани и погребалните возила полека се приближуваат кон градските гробишта.
Луѓето пристигнуваат во групи. Приоѓаат полека, во тишина, бришејќи ги солзите од нивните лица. Голем број млади носат црни маици со натпис: „Почивајте во мир ангели наши“. Ретко кој е без солзи во очите.
Има и голем број лекари и медицински техничари за да помогнат.
„Се збогуваме со нашата иднина“, велат жителите.
Граѓани од цела држава доаѓаат во Кочани за да се простат од прерано изгубените млади животи./Извор:Makfax
