– Ах бре убаво дете, сите списоци сите болници баравме за да те најдеме, само да ни кажат дека си тука… Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции, напиша Костадин Костадинов, градоначалник на Струмица.
Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца, напиша градоначалникот Костадинов.
Младиот струмичанец Горги Горгиев имаше 24 години.
Во ужасот во Кочани досега се потврдени 59 смртни случаи и над 150 повредени. Нема информации за бројот на исчезнати.
