Претседателката на Европската комисија (ЕК) Урсула фон дер Лајен го изрази своето жалење за трагичниот пожар во градот Кочани во Република Северна Македонија, во кој загинаа 59 лица, а 155 беа повредени и хоспитализирани во различни здравствени установи низ земјата.
Фон дер Лајен во својата Х порака изрази сочувство до семејствата на загинатите во пожарот во Кочани.
„Тажна сум поради трагичната загуба на животи во пожарот во Кочани. Моето најдлабоко сочувство до семејствата на жртвите и сите оние кои се погодени од ова“, напиша Фон дер Лајен, велејќи дека ЕУ стои во солидарност со народот на Северна Македонија во ова тешко време.
