„Кога работниците укажуваат дека тешко се живее, дека се потребни најмалку три минимални плати за потрошувачка кошничка, очигледно имаме проблем. Но тенденцијата на владата е опасна, фрлајќи партиско обележје на било кое барања и група кога имаат реални проблеми, кои владата едноставно треба со својата работа да ги реши“ рече претседателот на СДСМ, Венко Филипче на прес-конференција.
Тој додаде дека Владата е тука за да ги решава проблемите, а не да ги критикува барањата на синдикатите и да ги бележи дека се обоени со ваква или таква боја или да бараат некакви конекции.
„Тоа што не се излегува во пресрет на барањата на работниците е немање на демократски капацитет и волја нешто да се напарави повеќе за нив. Кога тоа ќе стави заедно со лошите економски политики, лошите предвидувања од ММФ, лошата реалзиација на капитални инвестиции, помалку од 3 проценти во првите месеци, за разлика од 12 на почетокот на 2024, со одливот на работна сила, и со јасното укажување дека лоша прогноза за економијата е тоа што нема реформи, очигледно владата е лош менаџер. И може да очекуваме само дополнителни кризи“ рече Филипче.
ПОПУЛАРНО НА ИНТЕРНЕТ...
