Резултатите во живо може да се следат преку Centar.mk со клик на овој линк.
Министерот за здравство, Арбен Таравари, за време на својата официјална посета на Словачка, ја посети болницата „Бори“, најголема и најмодерна во оваа земја, каде што се запозна со најновите иновации во медицината, вклучувајќи и виртуелна медицина – револуционерна технологија која планира да ја воведе и во нашите болници.
-Во Братислава ја посетив болницата „Бори“, каде што одблизу видов како виртуелната медицина го трансформира здравствениот систем. Овој иновативен пристап мора да стане реалност и во Северна Македонија за да го подобриме квалитетот и ефикасноста на нашите здравствени услуги, изјави министерот Таравари.
Во рамки на посетата, тој ја истакна важноста на соработката со словачките институции и потврди дека меморандумот за соработка меѓу Министерството за здравство на Северна Македонија и Министерството за здравство на Словачка ќе овозможи имплементација на најдобрите искуства и практики во нашите болници.
