Драстични промени на времето, утре над 29 степени, а од вторник максимални 10°C – Метеоцентар со детална прогноза за НЕВРЕМЕТО и СТУДОТ што доаѓаат над Македонија

Утре ќе се задржи топло време со засилен јужен ветер (над 60 km/h). Во недела локално, а во понеделник на повеќе места ќе биде нестабилно со пороен дожд и грмежи, краткотрајно во форма на невреме. Во вторник ќе има опаѓање на температурата и се очекуваат локални врнежи од дожд, а на планините и на повисоките места од снег. Потоа следува период на стабилно време со ниски утрински температури.

Прогноза за 16.03.2025
Минимална температура: 3°C до 9°C
Максимална температура: 17°C до 25°C

Променливо облачно и нестабилно со локални врнежи од дожд и грмежи, краткотрајно во форма на невреме. Ќе дува умерен, наместа повремено засилен ветер од западен правец.

Прогноза за 17.03.2025
Минимална температура: 2°C до 8°C
Максимална температура: 14°C до 21°C

Променливо облачно и нестабилно со пороен дожд и грмежи, локално во форма на невреме. Ќе дува умерен до засилен ветер од северозападен правец.

Прогноза за 18.03.2025
Минимална температура: 0°C до 6°C
Максимална температура: 2°C до 10°C

Променливо облачно со повремени врнежи од дожд, на планините и на повисоките места со повремен снег. Ќе дува умерен, наместа повремено засилен ветер од северен правец.