Веќе тече март, а со тоа и надежите за зголемување на минималната плата. Работниците веќе според Законот работат за повисока минимална плата, но нејасно е за колку таа ќе се зголеми.
Ако се земат пресметките според сегашниот закон, минималната плата би требало да се зголеми за 1800 до 2000 денари, односно да достигне нешто над 24.000 денари (речиси 400 евра), но синдикатите и некои од коморите излегоа со предлог минималната плата да биде и 30.750 денари (500 евра), а разликата за придонесите меѓу досегашните 22.500 и 30.750 денари да ја покрие државата, па дури и со опција персоналниот данок (10%) за таа разлика да си ја платат компаниите.
Незапирливиот раст на цените на прехранбените производи, струјата, горивата и другите енергенси, како и скапотијата на секое ниво во услужниот сектор ја крена и минималната кошничка за преживување на едно семејство на над 1000 евра.
Останува да видиме колку ќе скокне минималната плата и дали таа одлука ќе ги задоволи работниците кои заработуваат минималец.
ПОВЕЌЕ ОД ИНТЕРНЕТОТ...
