18. септември 2025
Centar.mk – Вести, бизнис, забава, спорт…
фото Центар.мк
БИЗНИС

Синдикатите бараат минимална плата од 500 евра – одлука ќе падне наскоро

Според моменталните статистики минималната плата најверојатно ќе порасне за 2.000 денари, почнувајќи со мартовските примања на работниците низ земјава, односно ќе “скокне” на 24.500 денари.

Синдикатите неодамна, поради драстично зголемените трошоци на граѓаните, побараа покачување на минималната на 500 евра.

Како идеја која што некои од бизнисмените ја предложија до владата, беше и минималецот да биде 500 евра, но разликата за придонесите меѓу 22.500 денари и 30.750 денари да ја покрива државата. Оваа идеја начелно беше отфрлена.

Согласно законот кој беше донесен пред повеќе години, минималната плата согласно инфлацијата и други параметри системски се формира секој март.

Последното покачување беше на 22.500 денари во март 2024-та година.

Одлуката за тоа колку ќе биде покачена минималната плата треба да биде донесена во најскоро време.

Можеби ќе ве интересира

Градинарскиот центар „Фоја“ слави 20 години – за посетителите ќе има роденденски цени 

C +

Народната банка донесе мерки за олеснување на кредитирањето при купување прв стан

C +

Античкиот театар Аспендос во близина на Анталија ја собра светската оперска и балетска елита на 32 Меѓународниот фестивал за опера и балет

C +