Денеска (07.10.2024) во 03.58 часот во СВР Скопје било пријавено дека на подрачјето на општина Аеродром во Скопје настанал пожар во патничко возило „форд фиеста“ со скопски регистарски ознаки, сопственост на лице(38) од Скопје. Од пожарот биле зафатени и патничко возило „цитроен“, сопственост на лице(33), патничко возило „мерцедес“, сопственост на лице(47) и патничко возило „опел астра“, сопственост на лице(63), сите од Скопје.
Од екипа на Бригадата за противпожарна заштита Скопје пожарот бил изгаснат, а повредени лица нема. Извршен бил увид од увидна екипа од СВР Скопје.
