Денеска, министерот за внатрешни работи, Панче Тошковски, оствари работна средба со претседателката Татјана Димитровска и со претставници од Државната комисија за спречување на корупцијата.
На средбата претседателката ги презентира тековните активности на комисијата и ја потенцира обврската што ја имаат во согласност со Изборниот законик, а се однесува на објавување регистар на службени возила на државните институции на нивната веб-страница и во таа насока побара од страна на МВР да бидат доставени соодветни податоци.
Министерот Тошковски истакна дека соработката што ја имаат овие две институции треба да се негува и продлабочува, па во таа насока во иднина потребно е да се потпише соодветен меморандум.
