Од трговскиот центар Ист гејт за одредени медиуми се огласиле во врска со инцидентот кој се случи попладнево.
Centar.mk дојде до соопштението за јавноста упатено до одредени медиуми.
– Во врска со инцидентот кој се случи денес во трговскиот центар Ист Гејт Мол во 15 часот, би сакале да ја информираме јавноста дека трговскиот центар, по обезбедување на сите потребни безбедносни мерки продолжува со нормална работа по обезбедени мерки за тековна оператива, рекле од Ист гејт мол.
Од таму тврдат дека се работи за изолиран инцидент, лоциран на подземните нивоа во трговскиот центар.
– Надлежните служби вршат увид во моментов на местото на настанот, но трговскиот центар продолжува со утврдениот нормален режим на работа до 22 часот. Трговскиот центар е обезбеден со соодветно физичко обезбедување и технички системи за безбедност и мониторинг наменети за обезбедување на сигурноста и безбедноста на посетителите, рекле од трговскиот центар.
Ист гејт отпочна со работа пред неполни две години, а деновиве според рекламни материјали низ градот ќе го слават вториот роденден.
Во денешниот инцидент повредени се две лица, од кои едно се бори за живот, откако вооружен напаѓач почна да пука. Претходниот напад се случи на 25 август.
