„Сигурен сум дека случајот со Онкологија мора да заврши со сносење одговорност, таа да биде конкретизирана, да има име и презиме и да не ги ставаме на тапет сите вработени во здравствениот систем“ рече министерот за внатрешни работи Оливер Спасовски во „Трилинг“ на ТВ24.
Тој додаде дека мора да одговара тој што треба да одговора и не смее да се остава постапката без завршница.
„Одговорноста треба да се утврди врз основа на доказите и таа да биде конкретизирана. Не смее да нема завршница во ниту еден случај“ рече Спасовски.
Министерот додаде дека овој случај е дополнително важен бидејќи се работи за довербата во здравствениот систем и за здравјето и животите на граѓаните.
