Нападот врз болница и училиште во Газа со стотици цивилни жртви е нехуман чин на терор за кој нема оправдување, напиша на социјалните мрежи, министерот за надворешни работи, Бујар Османи.
Османи вели дека почитувањето на меѓународното и хуманитарно право е приоритет, а цивилите мора да бидат целосно заштитени по секоја цена.
„Сторителите на овој чин мора да бидат јасно идентификувани и да одговараат“, пишува Османи.
Според информациите на палестинските власти, во нападот загинале 500 луѓе.
Израел негира дека го извршил нападот и нивните разузнавачи тврдат дека ракети од палестинските терористи завршиле во болницата.
