Во село Жировница, општина Маврово – Ростуше, убиени се мечка и две мали мечиња, соопшти директорот на Државниот инспекторат за животна средина, Сретен Стојковски.
„Денеска бевме вџашени дека во село Жировница се убиени мечка и две мечиња“, изјави тој.
Појасни дека по пријава на националниот парк „Маврово“, Државниот инспекторат за животна средина пристапил на самото место.
Според информациите на надлежните, утрово, во близина на селото Жировница, пред влезот во селото од страна на ренџерската, односно чуварската служба, било забележано дека се отстрелани три мечки – женка со две мали мечиња.
