Годишната стапка на инфлација во еврозоната беше 5,3 отсто во јули 2023 година, наспроти 5,5 отсто во јуни, објави „Евростат“. Една година претходно, стапката на инфлација во еврозоната беше 8,9 отсто.
Годишната стапка на инфлација во Европската унија беше 6,1 отсто во јули 2023 година, наспроти 6,4 отсто во јуни.
Една година претходно стапката на инфлација во ЕУ беше 9,8 отсто, објави Евростат.
Најниски годишни стапки се регистрирани во Белгија (1,7 отсто), Луксембург (два отсто) и Шпанија (2,1 отсто).
Во јули, најголем придонес во годишната стапка на инфлација во еврозоната имаа услугите (2,47 процентни поени), потоа храната, алкохолот и тутунот (2,2 процентни поени), неенергетските индустриски производи (1,26 процентни поени) и енергијата ( минус 0 ,62 процентни поени).
