Царинските инспектори од Одделението за оперативни работи спречија обид за нелегален влез на четворица мигранти по контрола на товарно моторно возило на граничниот премин Богородица, чија крајна дестинација била Франција.
„Мигрантите биле скриени во полуприколката на товарното возило, меѓу палети со стока пријавена за транзит. Тројца од мигрантите ,во согласност со нивната изјава, се од Сиера Леоне, а едно лице е од Нигерија. Лицата се предадени на Одделот за гранични работи и миграции при Министерството за внатрешни работи за понатамошна постапка“, известија од Царинската управа.
