Фејсбук статус на Бисера Костадиновска:
Собраниската Комисија за култура денеска го разгледа Предлог-законот за употребата на македонски јазик во прво читање и едногласно одлучи дека е прифатлив и треба да се даде на понатамошно читање.
🔶Со новиот закон за употреба на македонскиот јазик даваме придонес во заштитата на нашата посебност и идентитет
Министерството за култура со Советот за македонски јазик, пристапија кон изготвување нов закон за употреба на македонскиот јазик имајќи предвид дека, и покрај тоа што актуелниот Закон има позитивни ефекти во подигањето на јазичната култура во државата, во практиката сè повеќе се забележува непочитувањето на законските мерки и негрижата за македонскиот јазик во различни сегменти и на различни нивоа од општествениот живот.
🔶Пратениците се согласија дека станува збор за квалитетен Предлог-закон, а забелешките кои се главно од техничка природа, во второто читање ќе ги надминеме амандмански.
ПОПУЛАРНО НА ИНТЕРНЕТ...
