Маж и жена завршија во болница, ги прегази автомобил во Струга

Двајца пешаци се прегазени вчера од автомобил во Струга на улицата Партизанска.

Според информациите од полицијата, патничко моторно возило “мерцедес“ со струшки регистарски ознаки, управувано од Н.Б.Б.(55) од с.Лабуништа-струшко удрило во М.Ч.(54) и С.З.Ч.(53) двајцата од Струга.

Во несреќата со тешки телесни повреди се здобил М.Ч., а со телесни повреди се здобила С.З.Ч., констатирани во Медицинскиот центар Струга.

Извршен бил увид од увидна екипа од Полициската станица Струга.