Здружението за надворешна имеѓународна политика „Совет на Амбасадори„ на 11 и 12 мај 2023 година беше домаќин на посетата на бројна делегација на Совет на американски амбасадори, влијателна, невладина организација, во која, како и во нашиот Совет на амбасадори, членуваат највисоки дипломати кои веќе биле амбасадори во бројни мисии на САД во разни делови на светот.
Билатералните разговори на македонските и американските колеги беа посветени на соработката меѓу двата Совети со акцент на можностите посилно да се афирмира улогата на нашата земја во Северноатлантската алијанса и во тие рамки да се унапредува и билатералната соработка со Соединетите американски држави, како стратегиски партнер на Република Северна Македонија. Предмет на интерес на американските колеги беа и прашањата како да се поттикнат интензивните напори на Република Северна Македонија на патот кон полноправното членство во Европската Унија.
На овие теми и за други прашања од нивен интерес, американските колеги, заедно со членовите на Извршниот Одбор на Советот,, имаа можност да разговараат и со највисоките државни претставници на Република Северна Македонија, претседателот на државата Стево Пендаровски, спикерот на Парламентот, Талат Џафери со заменик претседателот на Владата Бојан Маричиќ и со Претседателот на Владата Димитар Ковачевски, и тоа во многу актуелен контекст, непосредно по неговата посета и средбите остварени во Њујорк и во Вашингтон.
Во рамките на посетата на нашата земја, американските колеги имаа можност да го посетат и разгледаат археолошкиот комплекс Стоби, како дел од значајните вредности што нашата земја ги понудила во ризницата на светското културно-историско наследство, а, беа гости и на европски афирмираната винарница „Тиквеш“ и на првиот човек на овој македонски бизнис бренд, Свето Јаневски.
Можеби ќе ве интересира…
Од 19:15 часот регионалниот пат Охрид-Свети Наум, кај с.Љубаништа, поради одрон на патот, сообраќајот е во целосен прекин. Прочитај повеќе
За оние кои летово планираат да возат до најблиските плажи во соседството, најважно е колку ќе чини да се наполни полн резервоар со гас, пишува Б92. Најевтино ќе биде ако… Прочитај повеќе
Десетици измамени граѓани се соочиле да плаќаат рати од туѓи подигнати брзи кредити. Само во 2022 година евидентирани се 43 случаи на измами со брзи кредити, велат од МВР за… Повеќе
По одлуката на Управниот одбор на Стопанската комора на Северна Македонија за основање, се одржа конститутивна седница на која се формираше Националната асоцијација на туроператори и туристички агенции на Република… Повеќе