Centar.mk – Вести, бизнис, забава, спорт…
Македонија

Нуредини: Се реафирмира предлог-договорот со Албанија за управување со водните ресурси

Министерот за животна средина и просторно планирање, Насер Нуредини, се сретна со амбасадорот на Албанија, Фатос Река, на која разговараа за најактуелните прашања од областа на животната средина. Исто така, разменија мислења за можностите за заеднички пристап во надминување на предизвиците со кои се соочуваат во обезбедување одржлив зелен развој во двете држави.

Во разговорите посебен акцент беше на реафирмирање на соработката во однос на одржливото управување со водните ресурси. Од двете страни е изразена силна подготвеност за интензивирање на преговорите во врска со предлог на договорот за управување со прекуграничните водни ресурси и искажана е волја во најкус можен рок да се изработи нов предлог-текст и да се формира мешовита македонско-албанска комисија, составена од претставници на надлежни ресори и експерти од областа на водите што би работеле на заеднички предлог-текст на договорот.

Се разговараше и за соработка во другите области, а се направи осврт и на причините на загадувањето на воздухот во државата, особено во зимскиот период и во време на грејната сезона.

Министерот и амбасадорот разговараа за интензивирање на соработката на двете држави за одржливо управување со природните вредности на прекуграничните заштитените подрачја, како и за одржливо управување со водните ресурси.