Приведен скопјанец, кој продавал пиротехнички средства.
Според информациите од МВР, денеска, на булеварот Гоце Делчев во Скопје, полициски службеници од СВР Скопје – Единица за недозволена трговија, го привеле И. К. од с. Батинци, Скопско.
Тој бил затекнат како продава пиротехнички средства и кај него биле пронајдени вкупно 4.811 разни видови пиротехнички средства. И. К. бил приведен во полициска станица, а пиротехничките средства биле одземени.
По целосно документирање на случајот, против него ќе биде поднесена соодветна пријава.
Исто така, на улицата 192, на подрачјето на Бит-пазар, полициски службеници од ЕВР Центар и Бит-пазар заплениле 1.358 разни видови пиротехнички средства.
Се преземаат мерки за расчистување на случајот.
ПОПУЛАРНО НА ИНТЕРНЕТ...
