„Уште еден целосен дебакл за државата е фактот дека странци ќе го расчистуваат со криминалот во Македонија. Нема поголем пораз и признание дека власта е корумпирана од тоа странци да расчистуваат со криминалот во Македонија“, соопштуваат од опозициската ВМРО-ДПМНЕ.
Од партијата со став дека „ова е само уште една јавна потврда дека токму функционерите од власта се најголемиот извор на криминалот и корупцијата во државата. Токму за тоа, креаторите на криминалот и корупцијата во Македонија да се справуваат со криминалот и корупцијата“.
„Десетиците случаи за корупција кои немаат никаква разрешница, секојдневниот криминал, убиства и престрелките во Скопје, македонски пасоши за белосветски криминалци и наркобосови се само дел од листата на оваа власт, која над 5 години има апсолутна власт во државата. Спасовски и МВР се сојузници и заштитници на криминалот во Македонија и за тоа се потребни оставки од Оливер Спасовски, но и од цела криминална власт на СДС и ДУИ“, се вели во соопштението.
