Centar.mk – Вести, бизнис, забава, спорт…
Македонија

Ковачевски од Кичево: Само годинава се отворени над две илјади работни места во ТИРЗ

„Во првите десет месеци од годинава во компаниите во ТИРЗ се отворени над 2.000 нови работни места, а бројот на вработени за првпат се искачи над 16.000. Ова е зголемување за 16% за една година“ изјави премиерот и претседател на СДСМ, Димитар Ковачевски на граѓанската трибина во Кичево.

Тој додаде дека речиси секоја недела Владата објавува една до две нови инвестиции и фабрики, со што се подобрува стандардот на граѓаните.

„Заедничката инвестиција на Јангфенг и АРЦ Аутомотив, ја отворивме и втората фабрика на американската компанија ‘Кемет Електроникс’, канадската МАГНА во зоната во Струга и последна инвестицијата на компанијата од Турција, Текнопанел. Тоа се конкретните придобивки од менаџерскиот стил на работа, од вистинските социјалдемократски политики“ рече Ковачевски.

Премиерот истакна дека освен инвестициите и пакетите мерки за најранливите категории на граѓани, Северна Македонија во изминатите 10 месеци успеа да направи и стратешки исчекор напред во евроинтеграциите.

„После 17 години во чекалната, започнавме преговори со ЕУ. За Македонците е важно што успеавме да го заштитиме македонски јазик и идентитет. На чекор сме да го оствариме сонот на нашите предци, желбите на многу генерации, да ја обезбедиме еднаш засекогаш иднината на младите“ рече Ковачевски и додаде дека треба да ја земеме иднината во свои раце и да тргнеме кон Европа, оставајќи подобар аманет за нашите деца.

Можеби ќе ве интересира…

  • Biznispro.com
  • Вести +
  • Жена
Падна рекордна седумка на Лото во Кичево – среќникот ќе се офајди со 500.000 евра

Во Кичево вечерва се падна рекордната Лото добивка од 32.921.304 денари или околу 500.000 евра. Засега нема информации за идентитетот на добитникот, но од она што се знае лото ливчето… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе