Обраќање на претседателот на собранието Талат Џафери:
Почитувани граѓани, припадници на католичката вероисповед во Република Северна Македонија.
Ми претставува чест од име на пратениците на Собранието на Република Северна Македонија и од мое лично име да Ви го честитам големиот католички празник, Сите Светци, ден кога се оддава почит кон сите светци. Искрено Ви посакувам секој ден, а особено во овој период исполнет со предизвици за сите нас како и за целиот свет, да ја задржите својата верба и истата да Ве води кон подобри утра. Ви пожелувам да имате убави празнични моменти со вашите блиски, со внатрешен мир и спокој и најважно од сѐ, во добро здравје и со благонаклоност и благодарност кон животот кој носи и радост и тага. Религиите, иако се различни едни од други, во својата суштина не учат на скромност, добрина и почит. Ви испраќам убави празнични мисли и добри желби, духот и пораките од празниците да бидат водилка во сите денови од годината.
ПОПУЛАРНО НА ИНТЕРНЕТ...
