Centar.mk
МАКЕДОНИЈА

Ковачевски: Договорот Фронтекс потпишан на македонски јазик, без фусноти, додавки и ѕвездички

Денес е голем ден за Северна Македонија и за македонскиот народ. Денес го потпишавме Договорот Фронтекс на македонски јазик, без фусноти, без додавки и без ѕвездички. Тоа е ветувањето кое јас го дадов и го исполнив, рече премиерот Димитар Ковачевски на заедничката прес-конференција со претседателката на Европската комисија Урсула Фон дер Лајен.

Ова, како што рече Ковачевски, е првиот официјален договор потпишан меѓу Северна Македонија и ЕУ на кој стои чист македонски јазик, заедно со сите други јазици во Унијата.

-Со овој чин се покажаа деструктивностите на сите кои бескруполозно со мегафони лажеа дека ова нема да се случи. Пропаднаа лагите, а граѓаните по којзнае кој пат увидоа кој е веродостоен партнер, а кој се служи со лаги и манипулации. Денес јасно и гласно во официјални изјави на официјални европски претставници се користи македонскиот јазик кој е рамноправно застапен со сите други во ЕУ, рече Ковачевски.

Тој ја повика опозицијата во Собранието на обединување заради европската иднина на државата, а тоа, напоемна, се однесува на преговорите со ЕУ, но и на уставните измени кои ја очекуваат земјава веднаш по завршувањето на скринингот.

Можеби ќе ве интересира

ПОЛИЦИСКИ ПРЕТРЕС ВО РАДОВИШ – Во дом на 29-годишник пронајдени марихуана и предмети со остатоци од дрога

ДЕСК

ЧЕТВОРИЦА МАЛОЛЕТНИЦИ ЗАТЕКНАТИ СО АЛКОХОЛ ПО ПОЛНОЌ – Полицијата изврши контрола во локал во Богданци, известен обвинител

ДЕСК

ЈА НАПАДНАЛ СОПРУГАТА ВО СЕМЕЈНИОТ ДОМ, СПОРЕД ПРИЈАВАТА – Приведен 42-годишник во Струмичко, дрегерот покажал 1,29 промили

ДЕСК