На територија на град Скопје биле изречени вкупно 151 казна, меѓу кои за возење над дозволената брзина 39 санкции, 32 мерки за возење под дејство на алкохол, 20 санкции за возење без возачка дозвола.
Изречени биле и шест мерки за користење мобилен телефон при возење, осум санкции за минување на затворен сигнал (црвено светло), осум мерки за нерегистрирани возила.
Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, соопшти полицијата.
