Битолчанец ја нападнал поранешната сопруга и ѝ го демолирал станот

Педесет и едногодишен битолчанец е приведен поради напад врз поранешната сопруга.

Од МВР информираат дека мажот физички ја нападнал во стан во Охрид и извршил оштетување на дел од покуќнината.

Тој веќе имал судското решение со кое му се забранува да ја малтретира, вознемирува, телефонира или на кој било начин да комуницира со неа.

Против него ќе биде поднесена соодветна пријава.